धनगढी: कैलालीको गौरीगंगा नगरपालिका-९, मसुरियामा बसको ठक्करबाट एक वृद्धको मृत्यु भएको छ। सोमबार साँझ सुपप्र ०१-००१ क २४६४ नम्बरको बसले ८४ वर्षीय हर्कबहादुर बमलाई ठक्कर दिएको थियो, जसका कारण उनको उपचारका क्रममा निसर्ग अस्पताल, धनगढीमा मृत्यु भएको हो।
जिल्ला प्रहरी कार्यालय कैलालीका प्रवक्ता डिएसपी कवीन्द्रसिंह बोहोराका अनुसार वृद्ध बम सडक पार गर्ने क्रममा बसले ठक्कर दिएको थियो।
बस चालक नारायणबहादुर भण्डारीलाई इलाका प्रहरी कार्यालय मालाखेतीले नियन्त्रणमा लिएको छ भने घटनाबारे थप अनुसन्धान भइरहेको छ।
- Jigyasa media
