काठमाडौं – राजधानीका केही स्थानमा आज पाँच घण्टा विद्युत् आपूर्तिमा अवरोध आउने भएको छ। नेपाल विद्युत् प्राधिकरणका अनुसार केएससी र ओल्ड एयरपोर्ट फिडर (बानेश्वर) अन्तर्गत पर्ने आलोकनगर वरपरका क्षेत्रमा विद्युत् बन्द गरिनेछ।
प्राधिकरणका अनुसार बिहान ११ बजेदेखि दिउँसो ४ बजेसम्म कुलेश्वर, बानेश्वर, जोरपाटी र कीर्तिपुर वितरण केन्द्र अन्तर्गतका स्थानमा विद्युत् अवरुद्ध हुनेछ। यो समय अवधिमा विद्युत् वितरण प्रणाली भूमिगत गर्ने कार्य भइरहेको जनाइएको छ।
यस अवधिमा सेवा प्रभावित हुने उपभोक्ताहरूलाई वैकल्पिक उपाय अपनाउन आग्रह गरिएको छ।
- Jigyasa media
