फागुन ३, काठमाडौं — पश्चिमी वायुको प्रभावसँगै देशभर मौसममा उतारचढाव देखिएको छ। तराईमा हुस्सु र कुहिरोले बिहानैदेखि जनजीवन प्रभावित बनाएको छ भने उच्च पहाडी र हिमाली क्षेत्रमा हल्का हिमपातको सम्भावना रहेको मौसम पूर्वानुमान महाशाखाले जनाएको छ।
विशेषगरी कोशी, बागमती, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रमा आज हल्का हिमपात हुनसक्ने अनुमान गरिएको छ। त्यस्तै, पहाडी क्षेत्रमा आंशिक बदली रहे पनि अन्य स्थानमा मौसम सामान्य रह्नेछ।
तराईका केही क्षेत्रमा घना हुस्सु/कुहिरो लाग्ने भएकाले सडक तथा हवाई यातायातमा सतर्कता अपनाउन मौसमविद्हरूले अनुरोध गरेका छन्। बदलिंदो मौसमको प्रभावलाई ध्यानमा राखी आवश्यक सावधानी अपनाउनु सबैका लागि आवश्यक छ।
- Jigyasa media
