काठमाडौं, चैत १७ – काठमाडौंको नागार्जुनमा शनिबार राति भएको गाडी दुर्घटनामा एक जनाको मृत्यु भएको छ भने दुई जना घाइते भएका छन्।
नागार्जुन नगरपालिका–८, ठुलो खोला नजिक धादिङबाट काठमाडौं आउँदै गरेको प्र ३-०१-०२४ च ८३२२ नम्बरको टाटा योद्धा गाडी दुर्घटनाग्रस्त भएको हो।
दुर्घटनामा परी गोरखा भीमेश्वर गाउँपालिका–४ का ५० वर्षीय गोकुल पाण्डे गम्भीर घाइते भएका थिए। उनलाई तत्काल स्वयम्भूस्थित मनमोहन अस्पताल पुर्याइएको भए पनि उपचारका क्रममा मृत्यु भएको प्रहरी स्रोतले जनाएको छ।
घटनामा गाडी चालक जमालुदिन मिया (४१) र रामजी भट्ट (४३), दुवै भीमेश्वर–४ का बासिन्दा, घाइते भएका छन्। उनीहरूलाई थप उपचारका लागि अस्पतालमा भर्ना गरिएको छ।
प्रहरीले दुर्घटनाको कारणबारे अनुसन्धान जारी राखेको जनाएको छ।
- Jigyasa media
