नवलपरासी ।नवलपरासी पश्चिमको सरावल गाउँपालिका-१ सालबासस्थित पूर्व-पश्चिम राजमार्गमा मोटरसाइकल दुर्घटना हुँदा एकजनाको ज्यान गएको छ भने अर्का गम्भीर घाइते भएका छन्।
प्रहरीका अनुसार प्रदेश ३-०२-००६ प ९८३६ नम्बरको मोटरसाइकल पूर्वबाट पश्चिम जाँदै गर्दा अनियन्त्रित भई सडकबीचको पेटीमा ठोक्किएर दुर्घटनाग्रस्त भएको थियो।
दुर्घटनामा रुपन्देही, शुद्धोधन गाउँपालिका अमहवा निवासी २८ वर्षीय कमल परियार गम्भीर घाइते भएका थिए। उनलाई उपचारका लागि लुम्बिनी सिटी अस्पताल पुर्याइए पनि बचाउन सकिएन।
मोटरसाइकल चालक नुवाकोट, लिखु-३ निवासी २९ वर्षीय गोपाल लोहनी गम्भीर घाइते भएका छन्। टाउकोमा गम्भीर चोट लागेको उनको हाल लुम्बिनी सिटी अस्पतालमै उपचार भइरहेको छ।
प्रहरीले घटनाको अनुसन्धान अघि बढाएको जनाएको छ।
- Jigyasa media
