काठमाडौं, असोज १५ – नेपालमा गैरकानुनी रूपमा बसोबास गरिरहेका १५ जना बंगलादेशी नागरिकलाई ठमेल र सोह्रखुट्टे क्षेत्रबाट पक्राउ गरिएको छ। काठमाडौं उपत्यका अपराध अनुसन्धान कार्यालयको टोलीले उनीहरूलाई शंकास्पद गतिविधिमा संलग्न रहेको सूचनाका आधारमा पक्राउ गरेको हो।

प्रहरी उपरीक्षक काजीकुमार आचार्यका अनुसार विशेष टोलीले सोमबार उनीहरूलाई नियन्त्रणमा लिएको हो। पक्राउ पर्नेमा विभिन्न उमेरका व्यक्तिहरू रहेका छन्, जसमा ४० वर्षीय मोखलेस, २० वर्षीय अमिरुल इस्लाम रोबिन, ३५ वर्षीय मसुद सिकारी, २५ वर्षीय मुसा धाली, २० वर्षीय मोहम्मद मुसरुफ हुसैन, २४ वर्षीय सोजि मियाँ, २० वर्षीय मोहम्मद अल अमिन, ४४ वर्षीय मोहम्मद अनवर हुसैन, २२ वर्षीय सलमान मियाँ, २१ वर्षीय सलेह अहमद रेजुवने, ३१ वर्षीय मोहम्मद अबु सलेह, मोहम्मद नुर आलम, ३९ वर्षीय मोहम्मद मोनिर हुसैन, २७ वर्षीय मोहम्मद हाफिज उद्दीन र २१ वर्षीय कुमरुल हुसैन रहेका छन्।

उनीहरूलाई आवश्यक अनुसन्धान र कानुनी प्रक्रिया पूरा गर्न कालिकास्थानस्थित अध्यागमन विभागमा पठाइएको छ।

• Jigyasa media