काठमाण्डौ ।

 आज भदौ ५ गते, २०८१ साल, बुधबारको मौसम पूर्वानुमान विवरण हेर्नुहोस।

 बिहानको मौसम:

आज बुधबार बिहान देशभर आंशिकदेखि साधारणतया बदली रहनेछ। कोशी, गण्डकी, लुम्बिनी, कर्णाली, र सुदूरपश्चिम प्रदेशका केही स्थानहरूमा, तथा बाँकी प्रदेशका थोरै स्थानहरूमा मेघ गर्जन/चट्याङसहित हल्कादेखि मध्यम वर्षा हुने सम्भावना छ। कोशी, गण्डकी, लुम्बिनी, कर्णाली, र सुदूरपश्चिम प्रदेशका एक-दुई स्थानमा भारी वर्षा पनि हुन सक्नेछ।

 दिउँसो र साँझको मौसम:

दिनभरि पनि देशभरको मौसम आंशिकदेखि साधारणतया बदली रहनेछ। कोशी, बागमती, लुम्बिनी, गण्डकी, सुदूरपश्चिम, र कर्णाली प्रदेशका केही स्थानहरूमा हल्कादेखि मध्यम वर्षाको सम्भावना रहनेछ। त्यसैगरी, बाँकी प्रदेशका थोरै स्थानहरूमा पनि मेघ गर्जन/चट्याङसहितको वर्षा हुन सक्छ।

रातिको मौसम:

बुधबार राति पनि देशभर आंशिकदेखि साधारणतया बदली रहनेछ। मधेश, गण्डकी, र लुम्बिनी प्रदेशका एक-दुई स्थानमा भारी वर्षाको सम्भावना छ भने, बाँकी स्थानहरूमा हल्कादेखि मध्यम वर्षा जारी रहन सक्नेछ।

अतः आजको दिनमा विशेषगरी पूर्वी र पश्चिमी पहाडी क्षेत्रहरूमा भारी वर्षाको जोखिम रहेकाले सतर्क रहनुहोला। यात्रा गर्दा सावधानी अपनाउनुहोस्।

• Jigyasa media