पनौती, साउन ३ गते ।
काभ्रे जिल्लाको पनौती नगरपालिकाका पाँच वटा वडामा गठित बाल समूहका सदस्यहरूलाई लक्षित गर्दै लागू औषध दुर्व्यसनविरुद्धको एकदिने सचेतनामूलक कार्यक्रम शनिबार सम्पन्न भएको छ।
कार्यक्रम जीवन सहारा फाउन्डेसनको आयोजनामा र पनौती नगरपालिका वडा नं. ५ को सह–आयोजनामा भएको हो।
कार्यक्रममा सम्पदा बाल समूह सञ्जालमा आवद्ध बालबालिकाको उल्लेख्य सहभागिता थियो। उनीहरूलाई लागू औषधको नकारात्मक प्रभाव, मानसिक तथा सामाजिक असर, तथा सकारात्मक जीवनशैली र सुरक्षामूलक उपायहरूबारे जानकारी दिइयो।
वडा अध्यक्ष विनोद खत्रीको भनाइ कार्यक्रममा बोल्दै वडा नं. ५ का अध्यक्ष विनोद खत्रीले भने: > “बालबालिका राष्ट्रका भविष्य हुन्। उनीहरूलाई लागू औषध जस्ता घातक दुर्व्यसनबाट बचाउनु हाम्रो पहिलो दायित्व हो। यस्ता कार्यक्रमले बालबालिकामा चेतना मात्र होइन, जिम्मेवारी पनि विकास गर्छ। वडा कार्यालय सधैं यस्ता सकारात्मक अभियानमा साथ दिन तयार छ।”
बालमैत्री पनौतीतर्फ सार्थक पाइला
कार्यक्रमले बालबालिकालाई मात्र नभई अभिभावक र शिक्षकहरूलाई समेत लागू औषधप्रति सचेत बनाएको आयोजकहरूले जनाएका छन्।
स्थानीय बाल समूहहरूमार्फत समुदायमै सचेतना फैलाउने र दुर्व्यसन विरुद्ध बाल आवाजलाई मजबुत बनाउने रणनीति लिइएको बताइएको छ।
जीवन सहारा फाउन्डेसनका तर्फबाट वक्ताहरूले बालमैत्री समाज निर्माणमा सबैको सहकार्य अपरिहार्य रहेको धारणा व्यक्त गरे।
यस्ता सचेतनामूलक कार्यक्रमहरू निरन्तर सञ्चालन गर्दै बालबालिकालाई उज्यालो भविष्यतर्फ डो¥याउन स्थानीय तह, संघसंस्था र अभिभावकबीचको सशक्त सहकार्य आवश्यक छ।
-
Jigyasanepal
