काठमाडाैं । नेपाल राष्ट्र बैंकले मौद्रिक नीति सार्वजनिक गरेको छ । गभर्नर महाप्रसाद अधिकारीले मौद्रिक नीति सार्वजनिक गरेका हुन् । गभर्नर अधिकारीले आर्थिक वर्ष २०८१/८२ को मौद्रिक नीति जारी गर्दै यस आर्थिक वर्षको मौद्रिक नीति लचिलो ल्याएको बताएका हुन् । राष्ट्र बैंकमा पत्रकार सम्मेलनको आयोजना गर्दै उनले यस्तो बताएका हुन् ।

उनले यस आवमा मुद्रास्फीति ५.५ प्रतिशतभन्दा बढी नबढ्ने बताए । नेपालमा पछिल्लो समय थोक मुद्रास्फीति बढ्न शुरु भएको, भारतमा खाद्यान्न, तरकारी तथा गेडागुडी र दालजन्य सामग्रीहरुको मूल्य उच्च रहेको र जारी रुस–युक्रेन युद्ध तथा मध्यपूर्वकोभूराजनैतिक तनाव कायमै रहेका कारण अन्तर्राष्ट्रिय बजारमा इन्धन तथा खाद्यान्नको मूल्य बढ्न सक्ने जोखिम रहेको छ ।

सरकारले आर्थिक वर्ष २०८१/८२ को बजेट वक्तव्यमा मुद्रास्फीति ५.५ प्रतिशतको सीमाभित्र रहने अनुमान गरेको छ । केही जोखिम रहे पनि मुद्रास्फीतिका कारकहरुलाई मध्यनजर राख्दा आर्थिक वर्ष २०८१/८२ मा मुद्रास्फीति सोही सीमाभित्रै रहने प्रक्षेपण रहेको छ ।

७ महिनाको वस्तु तथा सेवा धान्न मिलन्ने विदेशी सञ्चिति कायम गरिने उनको भनाइ थियो । बजेटमा अनुमान गरिए बमोजिम ६ प्रतिशत आर्थिक वृद्धि पुग्ने गरी तरलता व्यवस्थापन र मुद्रा व्यवस्थापन गर्ने उनले बताए । पूर्ण पाठ हेर्नुहोस् 

https://drive.google.com/file/d/1GZuVUYMR_UAQ8vIC6Ag3tLrErfdl7ujf/view?fbclid=IwY2xjawEQL2xleHRuA2FlbQIxMAABHc7xTJobu7mjzVr1qIWXSn_vVp3LlIA76j1O_b_UlBR7Ilk2VlvCWfl5cw_aem_jArDf45nJyvtWOTPdjmaFQ

• Jigyasa media