काठमाडौं – आज देशभर पश्चिमी वायुको प्रभाव कायम रहेको छ, जसका कारण कर्णाली र सुदूरपश्चिमका पहाडी भूभागमा आंशिकदेखि सामान्य बदली देखिएको छ भने अन्य स्थानको मौसम सामान्य रूपमा सफा रहेको छ।
आगामी २४ घण्टामा उच्च पहाडी तथा हिमाली क्षेत्रका केही स्थानमा हल्का हिमपातको सम्भावना छ। त्यसैगरी, कोशी, गण्डकी र कर्णाली प्रदेशका पहाडी भूभागमा एक-दुई स्थानमा मेघगर्जन तथा चट्याङसहित हल्का वर्षा हुने अनुमान गरिएको छ।
मौसमविद्हरूले बदलिँदो मौसमका कारण यात्रा गर्ने तथा बाहिरी गतिविधिमा संलग्न व्यक्तिहरूलाई सतर्कता अपनाउन आग्रह गरेका छन्।
- Jigyasa media
