काठमाडौं, माघ १२: नेपालमा पश्चिमी वायूको सामान्य प्रभाव भए पनि अधिकांश भूभागमा मौसम सफा रहने देखिएको छ। मौसम पूर्वानुमान महाशाखाका अनुसार कोशी र गण्डकी प्रदेशका केही भागमा सामान्य बदली देखिए पनि अन्य क्षेत्रमा मौसम मुख्यतः सफा रहनेछ।
तराई क्षेत्रमा भने चिसोको प्रभाव अझै कायम छ। मधेश र कोशी प्रदेशका तराई भूभागमा मन्द शीतलहर चलिरहेको महाशाखाले जनाएको छ।
गण्डकी र कोशी प्रदेशका केही स्थानमा आंशिक बदलीको सम्भावना रहे पनि अन्यत्र स्पष्ट आकाश र रमाइलो घामको अनुभव गर्न सकिनेछ। चिसोको प्रभावसँगै तराई क्षेत्रमा सतर्कता अपनाउन मौसमविद्हरूले आग्रह गरेका छन्।
- Jigyasa media
