सिन्धुली, माघ २५ – झापाबाट काठमाडौं जाँदै गरेको एक निजी ईभी गाडी सिन्धुलीको गोलञ्जोर गाउँपालिकामा दुर्घटनाग्रस्त भएको छ। दुर्घटनामा परी ६ जना यात्रु घाइते भएका छन्।
बागमती प्रदेश ट्राफिक प्रहरीका प्रमुख एसपी नरेशराज सुवेदीका अनुसार घाइतेमध्ये ४ पुरुष र २ महिला रहेका छन्। तीमध्ये २ जनाको अवस्था गम्भीर छ भने अरु ४ जनाको अवस्था मध्यम रहेको बताइएको छ।
प्रहरीका अनुसार दुर्घटना बिहानी करिब पौने ४ बजे वीपी राजमार्ग अन्तर्गत सिन्धुली खण्डमा भएको हो। प्रारम्भिक अनुसन्धानका आधारमा गाडी अनियन्त्रित भई सडकबाट करिब ४ सय मिटर तल खसेको बताइएको छ। दुर्घटनाको विस्तृत विवरण आउन बाँकी छ।
- Jigyasa media
