काठमाडौं ।आगामी असोज ३ गते संविधान दिवसको अवसरमा देशभरका ६२० जना कैदीबन्दीको कैद मिनाहाका लागि सिफारिस गरिएको छ। कारागार व्यवस्थापन विभागले ६२० कैदीबन्दीको विवरण सार्वजनिक गर्दै नागरिकको प्रतिक्रिया मागेको छ।
गत वर्ष कर्तव्य ज्यान मुद्दामा माफी मिनाहा पाएका रेशम चौधरी र चेतन मानन्धरको घटनापछि यस वर्ष विवाद नउठोस् भनेर विभागले यो कदम चालेको हो। कैद मिनाहा पाउने व्यक्तिको सूचीमा ५० प्रतिशत सजाय भुक्तान गरेका ५८६ जना र ४० प्रतिशत सजाय भुक्तान गरेका ३१ जना छन्।
सबैभन्दा धेरै सिफारिस हुनेहरूमा चोरी, बहुविवाह, सवारी ज्यान, नकाबजनी, र डाँका मुद्दाका कैदीहरू छन्। संविधान दिवसको अवसरमा राष्ट्रपति पौडेलले कैद मिनाहा गर्नेछन्।
- Jigyasa media
