सुनसरी - सुनसरी जिल्लाको बराहक्षेत्र नगरपालिका–३ नडाहास्थित एक होटलमा लागुऔषध कारोबार भइरहेको सूचनाका आधारमा प्रहरीले छापा मारेर सातजनालाई पक्राउ गरेको छ। जिल्ला प्रहरी कार्यालय सुनसरीका प्रवक्ता डिएसपी रामप्रसाद तिमल्सिनाले घटनाको पुष्टि गरेका छन्।
पक्राउ पर्नेहरूमा बराहक्षेत्र नगरपालिका–३ का अनिल विक, कञ्चन राई, सन्दीप राई, वडा नम्बर–७ का कर्ण राई, आकास राई, अस्बिन श्रेष्ठ, र हिमन सुनुवार रहेका छन्। उनीहरूको साथबाट ३०५ पिस ट्रामाडोल, २९० पिस डिकोलिक ट्याब्लेट र नगद ९,९१५ रुपैयाँ बरामद गरिएको प्रहरीले जानकारी दिएको छ।
लागुऔषध कारोबार भइरहेको जानकारी पाएपछि नडाहामा कुमार राईले सञ्चालन गरेको होटलमा प्रहरीले छापा मारेको हो। पक्राउ परेकाहरूलाई इलाका प्रहरी कार्यालयमा राखी थप अनुसन्धान जारी रहेको छ।
- Jigyasa media
