स्याङ्जा । स्याङ्जाको चापाकोट नगरपालिका-१० बारीकुनामा ट्याक्टर ठोक्किएर चालक महेन्द्र दमाईको मृत्यु भएको छ।
प्रहरीका अनुसार, लु ४ त २२१ नम्बरको ट्याक्टर माटो ल्याउँदै गर्दा बायोडाँडास्थित भित्री सडकखण्डमा सडकको भित्तामा ठोक्किएको थियो। दुर्घटनामा गम्भीर घाइते भएका २८ वर्षीय चालक महेन्द्र दमाईको उपचारका क्रममा आइतबार साँझ चापाकोट अस्पतालमा मृत्यु भएको हो। दमाई पाल्पा रामपुर नगरपालिका-४ देवीस्थानका स्थायी बासिन्दा भए पनि हाल स्याङ्जाको चापाकोट १० बोटेटारमा बस्दै आएका थिए।
प्रहरी निरीक्षक उमेशलाल श्रेष्ठले घटनाको थप अनुसन्धान भइरहेको जानकारी दिएका छन्।
- Jigyasa media
