काठमाडौं, चैत २० – तीनकुनेमा राजावादी प्रदर्शनका क्रममा आगलागीमा परी मृत्यु भएका पत्रकार सुरेश रजकको शव पोस्टमार्टमपछि परिवारलाई बुझाइएको छ।
त्रिवि शिक्षण अस्पतालमा गरिएको पोस्टमार्टममा रजकको मृत्यु जलेर भएको पुष्टि भएको अस्पताल स्रोतले जनाएको छ।
यसअघि, उनलाई गोली लागेको भन्ने हल्ला चलेपछि चिकित्सकहरूले पोस्टमार्टमअघि एक्स-रे परीक्षण गरेका थिए। तर, एक्स-रेमा गोली लागेको कुनै प्रमाण नदेखिएपछि बुधबार पोस्टमार्टम गरी शव परिवारलाई हस्तान्तरण गरिएको हो।
रजकको शव नारायण गोपाल चोक, बालाजु हुँदै नयाँ बजारसम्म शवयात्रासहित लैजाने व्यवस्था गरिएको थियो।
- Jigyasa media
