काठमाण्डौ ।
अमेरिकाले गैरकानुनी रूपमा प्रवेश गरेका तीन नेपाली नागरिकलाई निष्कासन गरेको छ। अमेरिकी अदालतको आदेशपछि उनीहरूलाई स्वदेश फिर्ता पठाइएको हो।
निष्कासनमा पर्ने नेपाली
अमेरिका प्रवेश गरेका यमप्रसाद तिवारी, घनश्याम खत्री, र भुपाल विक अध्यागमन नियमन उल्लंघन गरेपछि पक्राउ परेका थिए। अदालतको आदेश अनुसार उनीहरूलाई हालै नेपाल फिर्ता गरिएको छ।
फिर्ती प्रक्रिया
सूत्रका अनुसार एयर इन्डियाको उडानमार्फत भारत हुँदै काठमाडौं ल्याइएको हो। अमेरिकी अध्यागमन निकायले पछिल्लो समय आप्रवासन कानून कडाइ गरेपछि गैरकानुनी रूपमा बसोबास गरिरहेका नागरिकहरूलाई धमाधम फिर्ता पठाउने प्रक्रिया तीव्र बनाएको छ।
कडिँदै अमेरिकी अध्यागमन नीति
अमेरिकी प्रशासनले गैरकानुनी आप्रवासीहरूमाथि निरन्तर निगरानी बढाइरहेको छ। पछिल्लो रिपोर्टअनुसार १,३६५ नेपालीहरूलाई निष्कासन आदेश जारी गरिएको छ। नेपालका लागि टेम्पोररी प्रोटेक्टेड स्टाटस (TPS) नवीकरण नभए थप ३,००० नेपालीहरूलाई अमेरिका छोड्नुपर्ने सम्भावना छ।
यसअघि, माघ महिनाको पहिलो साता शेर शाङ्बु शेर्पा र सारुन श्रेष्ठ लाई पनि अमेरिकाले निष्कासन गरेको थियो।
अवैध प्रवेश र बसोबासका कारण कानुनी कारबाहीको जोखिम उच्च हुने भएकाले वैधानिक प्रक्रिया अपनाउनु नै सुरक्षित उपाय हो।
- Jigyasa media
