कात्तिक २, २०८१ काठमाडौं
नवलपरासी (बर्दघाट सुस्तापूर्व) मा बाघको आक्रमणबाट एक व्यक्तिको ज्यान गएको छ। विनयी त्रिवेणी गाउँपालिका-१, लक्ष्मीटाँडीका ६३ वर्षीय जीवबहादुर थिङको मृत्यु भएको हो।
थिङलाई घाँस काट्न गएका बेला तीनचुली मध्यवर्ती सामुदायिक वनमा बाघले आक्रमण गरेको थियो। जिल्ला प्रहरी कार्यालय नवलपरासीका प्रहरी नायब उपरीक्षक जेसी शाहका अनुसार छिमेकीहरूसँग घाँस काट्न गएका थिङलाई बाघले एक्लै छोडेपछि आक्रमण गरेको हो। खोजी गर्दा थिङ मृत अवस्थामा फेला परेका थिए।
थिङको शवलाई पोस्टमार्टमका लागि मध्यविन्दु जिल्ला अस्पताल डन्डा लगिएको प्रहरीले जनाएको छ।
- Jigyasa media
