काठमाडौं - सरकारले १० महिनापछि सामाजिक सञ्जाल टिकटकमाथि लगाइएको प्रतिबन्ध हटाउने तयारी गरेको छ। पुष्पकमल दाहाल ‘प्रचण्ड’ नेतृत्वको सरकारले लगाएको प्रतिबन्ध हटाउन प्रधानमन्त्री केपी शर्मा ओलीको निर्देशनमा प्रक्रिया अघि बढाइएको हो।
प्रकाशित स्रोत अनुसार, प्रधानमन्त्री ओलीले सञ्चार तथा सूचना प्रविधि मन्त्रालयलाई छिट्टै निर्णय गर्न निर्देशन दिइसकेका छन्। यसका लागि सञ्चारमन्त्री पृथ्वीसुब्बा गुरुङले टिकटकका नेपाल प्रतिनिधिसँग छलफल सुरु गर्ने तयारी गरेका छन्।
स्रोतले जनाएको छ कि टिकटक प्रतिबन्ध हटाउन क्याबिनेटबाट प्रस्ताव पेस गर्ने प्रक्रिया अघि बढिसकेको छ। टिकटकको नेपाल प्रतिनिधिसँग छलफल पछि आवश्यक निर्णय लिन तयारी भइरहेको जानकारी दिइएको छ।
टिकटकमाथि लगाइएको प्रतिबन्ध प्रचण्डको चीन भ्रमणपछि लागू भएको थियो। चीनले उक्त निर्णयलाई ‘चीनविरोधी’ कदमको रूपमा लिएको थियो।
- Jigyasa media
