काठमाडौं, पुष २० – गण्डकी र कर्णाली प्रदेशका पहाडी तथा हिमाली क्षेत्रमा आंशिक बदली देखिएको छ भने बाँकी क्षेत्रहरूमा मौसम सामान्यतया सफा छ। तर, आज बिहान तराईका अधिकांश भागहरूमा बाक्लो हुस्सु र कुहिरो छाएको छ।
जल तथा मौसम विज्ञान विभागका अनुसार दिउँसो देशभर मौसम सफा रहने अनुमान गरिएको छ। राति भने हिमाली क्षेत्रमा केही स्थानमा आंशिक बदली हुन सक्ने सम्भावना छ।
सतर्कता अपिल:
तराई तथा उपत्यकामा बिहानको समय हुस्सु र कुहिरोको कारण दैनिक जीवन, स्वास्थ्य, यातायात र हवाई सेवामा प्रभाव पर्ने भएकाले सावधानी अपनाउन विभागले आग्रह गरेको छ।
हुस्सुको कारण यात्रा र स्वास्थ्यमा असर पर्नसक्ने भएकाले आवश्यक सतर्कता अपनाउनु आवश्यक छ।
- Jigyasa media
