चितवन, २०८१ कार्तिक २३ – आज बिहान नारायणगढ–मुग्लिन सडक खण्डको सत्र किलोमा भएको भीषण दुर्घटनामा पाँच जनाको ज्यान गएको छ भने पाँच जना घाइते भएका छन्। घाइतेमध्ये एक जनाको अवस्था गम्भीर रहेको प्रहरीले जानकारी दिएको छ।
जिल्ला प्रहरी कार्यालयका प्रवक्ता भेषराज रिजालका अनुसार बिहान ३ः०० बजे मुग्लिनबाट नारायणगढतर्फ आउँदै गरेको माइक्रोबस र विपरीत दिशाबाट गइरहेको बस एकापसमा ठोक्किएको थियो। दुर्घटनामा गोरखा आरुघाट गाउँपालिका–१ का ४२ वर्षीय राजबहादुर गुरुङ, माइक्रोबसका चालक, एक ४० वर्षीया महिला, ३२ वर्षीय पुरुष र ३५ वर्षीय पुरुषको घटनास्थलमै मृत्यु भएको छ।
अन्य पाँच घाइतेमध्ये दुई जनाको भरतपुर अस्पतालमा र तीन जनाको चितवन शिक्षण अस्पतालमा उपचार भइरहेको छ।
- Jigyasa media
