विराटनगर, ५ चैत । मोरङको धनपालथान गाउँपालिका-६ कदमा गाउँमा मंगलबार दिउँसो लागेको आगलागीमा परी दुई बालबालिकाको ज्यान गएको छ।
स्थानीय स्रोतलाई उद्धृत गर्दै प्रहरीले आगलागीमा परेका बालबालिकाको परिचय खुल्न बाँकी रहेको जनाएको छ। आगलागीका कारण गाउँका ८ घर पूर्ण रूपमा जलेर नष्ट भएका छन्।
मोरङ प्रहरीका प्रवक्ता वेदप्रकाश जोशीका अनुसार चर्को घाम र हावाहुरीका कारण आगलागी नियन्त्रणमा कठिनाइ भइरहेको छ। दमकल, स्थानीयवासी र सुरक्षाकर्मी परिचालन गरी आगो नियन्त्रणका प्रयास जारी रहेको उनले जानकारी दिए।
- Jigyasa media
