काठमाडौँ | फागुन ८, २०८२ | 

नेपालमा हाल पश्चिमी न्यून चापीय प्रणाली सक्रिय रहेकाले देशका विभिन्न भागमा मौसम बदली र वर्षाको सम्भावना देखिएको छ। मौसम पूर्वानुमान महाशाखा का अनुसार बागमती, गण्डकी, कर्णाली र सुदूरपश्चिम प्रदेशका पहाडी तथा हिमाली भूभागमा सामान्यदेखि आंशिक बदली रहेको छ भने केही स्थानमा छिटफुट वर्षा भइरहेको छ।

दिउँसोको अवस्था

आज दिउँसो तराईका केही स्थानमा बिहान हुस्सु तथा कुहिरो लाग्ने सम्भावना रहेको छ। कोशी, बागमती र गण्डकी प्रदेशका हिमाली क्षेत्रमा सामान्य बदली रहनेछ भने मधेस प्रदेशसहित अन्य भूभागमा आंशिक बदली रहने महाशाखाले जनाएको छ।

विशेषगरी कोशी, बागमती र गण्डकी प्रदेशका उच्च पहाडी तथा हिमाली भूभागका एक–दुई स्थानमा हल्का वर्षासहित हिमपातको सम्भावना रहेको छ। यसले उच्च भेगका बासिन्दा तथा यात्रुहरूलाई सतर्कता अपनाउन आग्रह गरिएको छ।

रातिको पूर्वानुमान

आज राति तराई क्षेत्रका थोरै स्थानमा तुवाँलो लाग्ने सम्भावना छ। कोशी, मधेस, बागमती र गण्डकी प्रदेशमा आंशिक बदली रहनेछ भने बाँकी प्रदेशमा मौसम मुख्यतया सफा रहने अनुमान गरिएको छ।

कोशी प्रदेशको उच्च पहाडी तथा हिमाली भूभागका एक–दुई स्थानमा भने पुनः हल्का वर्षासहित हिमपातको सम्भावना रहेको महाशाखाले जनाएको छ।

मौसममा आएको यस परिवर्तनले विशेषगरी उच्च पहाडी र हिमाली क्षेत्रमा चिसो बढ्न सक्ने भएकाले आवश्यक सतर्कता अपनाउन मौसमविद्हरूले सुझाव दिएका छन्।

• Jigyasanepal