रौतहट - ईशनाथ नगरपालिका वडा नं. १ का अध्यक्ष बिगु साहको मिर्गौलाको समस्याका कारण उपचारका क्रममा बिहीबार निधन भएको छ। साहको निधनले स्थानीय र राजनीतिक वृत्तलाई शोकाकुल बनाएको छ।
वडा अध्यक्ष साह २०७९ सालको स्थानीय तह निर्वाचनमा लोकतान्त्रिक समाजवादी पार्टी (लोसपा)बाट निर्वाचित भएका थिए। यसअघि २०७४ सालको निर्वाचनमा नेपाली कांग्रेसबाट वडाध्यक्षको जिम्मेवारीमा रहेका उनले समाजसेवामा आफ्नो विशेष भूमिका निर्वाह गरेका थिए।
यस दुखद घडीमा रौतहट क्षेत्र नम्बर २ का सांसद किरणकुमार साहले वडाध्यक्ष साहको निधनप्रति दुःख व्यक्त गर्दै शोकाकुल परिवारप्रति समवेदना प्रकट गरेकाछन्।
- Jigyasa media
