ज्येष्ठ ७, काठमाडौं | जिज्ञासा नेपाल

देशभर सक्रिय पश्चिमी वायु, बंगालको खाडी र अरब सागरबाट आइरहेको जलवाष्पयुक्त हावाको आंशिक प्रभावका कारण नेपालमा फेरि एकपटक मौसम अस्थिर बन्दै गएको छ। मौसम पूर्वानुमान महाशाखाले आज बिहान ८ बजे सातै प्रदेशका लागि विस्तृत बुलेटिन जारी गर्दै चट्याङसहितको हल्कादेखि मध्यम वर्षा र केही हिमाली भागमा हिमपातको सम्भावना औंल्याएको छ।

देशका कुन–कुन क्षेत्रमा कस्तो छ मौसमको पूर्वानुमान?
बिहानैदेखि देशका विभिन्न भूभागमा आंशिकदेखि सामान्य बदली छाएको छ। विशेषगरी कोसी, लुम्बिनी, कर्णाली र सुदूरपश्चिमका केही स्थानहरूमा मेघगर्जनसहितको वर्षा भइरहेको महाशाखाले जनाएको छ। अब दिउँसो र रातिको पूर्वानुमान यसप्रकार छ:

कोसी प्रदेश:
– दिउँसो र राति: हिमाली भेगमा एक–दुई स्थानमा हल्का हिमपात सम्भावित। पहाड र तराई दुवै क्षेत्रमा चट्याङसहितको हल्कादेखि मध्यम वर्षा हुने संकेत।

मधेस प्रदेश:
– दिउँसो: तराईका एक–दुई स्थानमा वर्षा सम्भावना।
– राति: थोरै स्थानमा चट्याङसहित हल्कादेखि मध्यम वर्षाको सम्भावना।

बागमती प्रदेश:
– हिमालदेखि तराईसम्म: चट्याङसहित हल्कादेखि मध्यम वर्षा हुने प्रबल सम्भावना। हिमाली क्षेत्रमा हल्का हिमपात पनि सम्भावित।

गण्डकी प्रदेश:
– दुई समयमा: हिमाली क्षेत्रमा हिमपात र अन्य भूभागमा मेघगर्जनसहित वर्षा जारी रहने पूर्वानुमान।

लुम्बिनी प्रदेश:
– दिउँसो र राति: पहाडी र तराईका थोरै स्थानमा चट्याङसहितको वर्षा।

कर्णाली प्रदेश:
– दिउँसो: पहाडी क्षेत्रमा मेघगर्जन र मध्यम वर्षाको सम्भावना।
– राति: एक–दुई स्थानमा हल्का वर्षा जारी रहने अनुमान।

सुदूरपश्चिम प्रदेश:
– हिमाली भेगमा: हल्का हिमपातको सम्भावना।
– *पहाड र तराई भागमा वर्षात हुने

• Jigyasanepal