काठमाडौं, जेठ ३१
देशभर व्यापक वर्षा भइरहँदा जल तथा मौसम विज्ञान विभागको बाढी पूर्वानुमान महाशाखाले २४ जिल्लामा बाढीको सम्भावना औंल्याउँदै ११ जिल्लाका लागि 'एल्लो वार्निङ' (Yellow Alert) जारी गरेको छ।
महाशाखाले आज शनिबार (जेठ ३१) बिहान सार्वजनिक गरेको बुलेटिन अनुसार, ती जिल्लाहरूमा साना नदीको बहाव बढ्न सक्ने सम्भावना उच्च छ। त्यसैले नदी आसपासका क्षेत्रमा बसोबास गर्ने नागरिकहरूलाई सावधानी अपनाउन अपिल गरिएको छ।
📍 बाढीको जोखिम भएका २४ जिल्ला:
पूर्वदेखि सुदूरपश्चिमसम्म—
- पूर्वी पहाडी तथा तराई जिल्ला: इलाम, धनकुटा, तेह्रथुम, पाँचथर, संखुवासभा, सोलुखुम्बु, भोजपुर, खोटाङ, ओखलढुंगा, झापा, मोरङ, सुनसरी, धनुषा
- गण्डकी क्षेत्र: गोरखा, लमजुङ, कास्की, पर्वत, बागलुङ, म्याग्दी
- सुदूरपश्चिम: बैतडी, दार्चुला, बझाङ, डोटी, डडेलधुरा
⚠️ एल्लो वार्निङ जारी गरिएका ११ जिल्ला:
बाढीको सम्भावित जोखिम उच्च देखिएका जिल्लाहरूमा आज विशेष सावधानी अपनाउन महाशाखाले ‘एल्लो वार्निङ’ जारी गरेको छ।
यी हुन् ती ११ जिल्ला:
➡ गोरखा, लमजुङ, कास्की, पर्वत, बागलुङ, म्याग्दी, बैतडी, दार्चुला, बझाङ, डोटी र डडेलधुरा।
एल्लो वार्निङको अर्थ: यी क्षेत्रमा सामान्यभन्दा बढी जोखिम रहने देखिएको र मध्यम तहको सावधानी आवश्यक पर्ने अवस्था हो।
🌧 बाढीको जोखिम नदीहरूमै:
महाशाखाले दिएको जानकारी अनुसार, कोसी, नारायणी, कर्णाली, महाकाली, साथै पूर्वी राप्ती, पश्चिम राप्ती, कन्काई, कमला, बागमती र बबई नदीहरूको जलसतह सतर्कता तहभन्दा तल रहने भए पनि अचानक बढ्न सक्ने देखिएकाले नदी किनारका गतिविधिमा सावधानी अपनाउन सुझाव दिइएको छ।
🔔 सतर्कता अपनाऔं, सुरक्षित रहौं!
नदी किनार नजिकका बासिन्दा, कृषक, बालबालिका र कमजोर संरचनाका बस्तीहरू विशेष सतर्क रहनु अत्यन्त जरूरी छ।
-
Jigyasanepal
