काठमाडौं। देशभर मनसुन सक्रिय रहँदा पछिल्लो २४ घण्टामा दाङको अमरपुरमा सबैभन्दा धेरै वर्षा मापन गरिएको छ। जल तथा मौसम विज्ञान विभागका अनुसार अमरपुरमा १०७ मिलिमिटर वर्षा भएको हो।
विभागका मौसमविद् डेविड ढकालका अनुसार सोही अवधिमा सिन्धुपाल्चोकमा १०३ मिलिमिटर वर्षा र पश्चिम नवलपरासी (परासी) क्षेत्रमा ६९ मिलिमिटर वर्षा रेकर्ड गरिएको छ।
मनसुनी प्रणाली सक्रिय रहेकाले देशका विभिन्न भागमा अझै वर्षा जारी रहने र केही स्थानमा भारीदेखि अति भारी वर्षाको सम्भावना रहेको विभागले जनाएको छ।
निरन्तरको वर्षासँगै नदी–खोलामा पानीको सतह बढ्ने, बाढी, पहिरो, डुबान तथा भूक्षयको जोखिम बढ्न सक्ने भएकाले जोखिमयुक्त क्षेत्रमा बसोबास गर्ने नागरिकलाई विशेष सावधानी अपनाउन मौसमविद्हरूले आग्रह गरेका छन्। साथै, यात्रा गर्दा मौसमसम्बन्धी आधिकारिक सूचना नियमित रूपमा पछ्याउन पनि अनुरोध गरिएको छ।
-
Jigyasanepal
