काठमाडौं । पाकिस्तानको ब्रड पिकमा हिमपहिरोमा परी निधन भएका तीन नेपाली आरोहीको शव आज काठमाडौं ल्याइँदै छ।
यही १४ साउनमा हिमपहिरोमा परेर ज्यान गुमाएका किली पेम्बा शेर्पा ‘किलु’, ग्यालु शेर्पा र निमा शेर्पाको शव कतार एयरवेजको उडानमार्फत आज दिउँसो ४ः४५ बजे काठमाडौं आइपुग्ने परराष्ट्र मन्त्रालयले जनाएको छ।
ब्रड पिक आरोहणका क्रममा भएको हिमपहिरोमा परी निधन भएका अर्का नेपाली आरोही **पुरबहादुर गुरुङ ‘युक्त’**को शव भने यसअघि नै २१ साउनमा नेपाल ल्याइसकिएको छ।
दुर्घटनामा ज्यान गुमाएका आरोहीमध्ये अझै एक नेपाली, एक पाकिस्तानी र एक अमेरिकी आरोहीको शव फिर्ता ल्याउन बाँकी रहेको जनाइएको छ।
ब्रड पिकमा भएको उक्त दुःखद दुर्घटनाले नेपाली पर्वतारोहण क्षेत्रमा ठूलो क्षति पुर्याएको छ। मृतक आरोहीहरूको शव नेपाल ल्याउने प्रक्रिया सम्बन्धित निकायको समन्वयमा अघि बढाइएको छ।
-
Jigyasanepal
