काठमाडौं । देशभर आज दिउँसो मौसम आंशिक बदली रहने मौसम पूर्वानुमान गरिएको छ।

जल तथा मौसम विज्ञान विभाग, मौसम पूर्वानुमान महाशाखाका अनुसार आज हिमाली तथा पहाडी भू–भागका केही स्थानमा मेघगर्जन र चट्याङसहित मध्यम वर्षा तथा हिमपात हुने सम्भावना छ।

यस्तै, सुदूरपश्चिम प्रदेशका तराई क्षेत्रका केही स्थान तथा कोशी, मधेश, बागमती, गण्डकी र लुम्बिनी प्रदेशका तराई भू–भागका एक–दुई स्थानमा पनि मेघगर्जन र चट्याङसहित मध्यम वर्षा हुन सक्ने महाशाखाले जनाएको छ।

राति कहाँ–कहाँ वर्षाको सम्भावना ?

रातिको समयमा देशका हिमाली तथा पहाडी भू–भागसँगै सुदूरपश्चिम र लुम्बिनी प्रदेशका तराई क्षेत्रमा आंशिक बदली रहने अनुमान गरिएको छ। बाँकी तराई क्षेत्रमा भने मौसम मुख्यतया सफा रहनेछ।

राति पनि हिमाली तथा पहाडी भू–भागका एक–दुई स्थानमा मध्यम वर्षा र हिमपात हुन सक्ने महाशाखाको पूर्वानुमान छ।

समग्रमा, आज देशका अधिकांश भू–भागमा आंशिक बदली रहने र पहाडी तथा हिमाली क्षेत्रमा वर्षा तथा हिमपातको सम्भावना देखिएको छ।

• Jigyasanepal