काठमाडौँ — काठमाडौँ उपत्यकामा आज (बुधबार) पनि वर्षा हुने सम्भावना रहेको मौसम पूर्वानुमान महाशाखाले जनाएको छ। मौसमविद्का अनुसार दिउँसो केही समय मौसम खुले पनि अपराह्न वा साँझतिर मध्यम वर्षा हुन सक्ने देखिएको छ।
मौसमविद् हरिप्रसाद दाहालका अनुसार उपत्यकामा विशेषगरी दिउँसो २–३ बजेपछि वर्षा सुरु हुने सम्भावना रहेको छ।
त्यसअघि भने उपत्यकाको मौसम सामान्यतया बदली रहनेछ। घाम लाग्ने र बादल लाग्ने क्रम चलिरहने तथा वर्षा हुनुअघि ‘घाम–बादल, घाम–बादल’ जस्तो मौसम रहने दाहालले बताएका छन्।
दिउँसो केही समय मौसम खुले पनि अपराह्न वा साँझपख मध्यम वर्षा हुन सक्ने भएकाले बाहिर निस्कँदा आवश्यक सतर्कता अपनाउनुपर्ने देखिन्छ।
यसैबीच, देशभरको विस्तृत मौसम पूर्वानुमान तथा मौसमको पछिल्लो अवस्था मौसम पूर्वानुमान महाशाखाले बिहान ८ बजेपछि सार्वजनिक गर्ने जनाएको छ।
-
Jigyasanepal
