✍🏼– लक्ष्मी प्रसाद देवकोटा
चार दिनको चोला यो भन्नु शम्भू भोला
घामछायाँको खेल यो विचार गर्नु होला भाइ
आँसु-हाँसोले बनेको हाम्रो नर चोला
पाप-मयल आँसुले धोइदिनु होला भाइ
छातीमाथि हात दिई सत्य बोल्नु होला
सत्य पिछा जिन्दगी यो अर्पण गर्नु होला भाइ
कोही छैन आफ्नो भन्नु गर्व छाड्नु होला
बिझ्ने घोच्ने भन्नु छैन दिल अरूको रोला भाइ
धन-जन-रूपको मोल छैन तोला
एकमुठीको सास यो चट्ट उडी जाला भाइ ॥
- Jigyasa media
