चैत २६, काठमाडौं — नेपालमा अप्रिल १३ देखि सुरु हुने आईसीसी यू-१९ पुरुष विश्वकप छनोट प्रतियोगिताका लागि नेपाल क्रिकेट संघ (क्यान) ले १४ सदस्यीय टोलीको घोषणा गरेको छ।
मंगलबार सार्वजनिक गरिएको अन्तिम टोलीमा नरेन भट्टले कप्तानीको जिम्मेवारी सम्हाल्ने भएका छन्।
घोषित टोलीमा समावेश अन्य खेलाडीहरूमा अविषेक तिवारी, निरज कुमार यादव, शाहिल पटेल, सिब्रिन श्रेष्ठ, रोशन विश्वकर्मा, दर्श सोनार, दिलशाद अली, सन्तोष यादव, अशोक धामी, दयानन्द मण्डल, अप्राजित पौडेल, युवराज खत्री र विपिन पी शर्मा रहेका छन्।
नेपालले घरेलु मैदानमा आयोजना गर्न लागेको यस छनोट प्रतियोगितामा उत्कृष्ट प्रदर्शन गर्ने लक्ष्य लिएको छ। प्रतियोगिता मार्फत विजेता टोलीले २०२४ यू-१९ पुरुष विश्वकप खेल्ने अवसर पाउनेछ।
- Jigyasa media
