काठमाडौं ।एएफसी च्यालेन्ज लिगमा मंगलबार नेपाली क्लब चर्च ब्वाइज क्लबलाई पराजित गर्दै भुटानी क्लब पारो एफसी अघिल्लो चरणमा प्रवेश गरेको छ। पारो एफसीको यो जित भुटानी फुटबलका लागि ऐतिहासिक ठहरिएको छ।
पारो एफसीका प्रशिक्षक पुष्पलाल शर्माले यो जितले भुटानी फुटबलमा ठूलो महत्व राख्ने बताएका छन्। "यो जितले भुटानी फुटबलमा धेरै ठूलो अर्थ राख्छ। अब दुई-तीन वर्ष समस्या हुँदैन," उनले भने।
यो प्रतियोगिताका लागि पारोले जापानी स्टार खेलाडी होण्डासहित धेरै विदेशी खेलाडी अनुबन्ध गरेको थियो। प्रशिक्षक शर्माका अनुसार विदेशी खेलाडीहरूको सहयोगले नतिजा आफ्नो पक्षमा आउन सफल भएको हो। "हामीले भुटानी खेलाडीहरूबाट धेरै प्रयास गर्यौं तर चार पटक पनि सफल नभएपछि विदेशी खेलाडी ल्याएर खेल्यौं," उनले थपे।
- Jigyasa media
