काठमाडौं – नेपाल क्रिकेट संघ (क्यान) ले आगामी आइसीसी विश्वकप लिग-२ को सिरिजका लागि १५ सदस्यीय नेपाली क्रिकेट टिमको घोषणा गरेको छ। यस टिमको कप्तानी रोहितकुमार पौडेलले गर्नेछन्। टिममा देव खनाल र सागर ढकाललाई रिजर्भ खेलाडीका रूपमा राखिएको छ।
नेपालको मुख्य टिममा रोहितकुमार पौडेल (कप्तान), कुशल भुर्तेल, आसिफ शेख, अनिल साह, भीम सार्की, आरिफ शेख, कुशल मल्ल, दीपेन्द्र सिंह ऐरी, अर्जुन साउद, सोमपाल कामी, करण केसी, गुल्शन झा, रिजन ढकाल, ललित राजबंशी र सन्दीप लामिछाने छन्।
सिरिजको खेल तालिका अनुसार नेपालले आफ्नो पहिलो खेल आइतबार राति अमेरिकाविरुद्ध खेल्नेछ। त्यसपछि अक्टोबर २९ मा स्कटल्याण्ड, नोभेम्बर २ मा पुन: अमेरिका, र नोभेम्बर ४ मा स्कटल्याण्डसँग प्रतिस्पर्धा गर्नेछ।
- Jigyasa media
