काठमाडौं, चैत २० – इन्डियन प्रिमियर लिग (आईपीएल) २०२५ मा पञ्जाब किङ्सले उत्कृष्ट प्रदर्शन गर्दै लगातार दोस्रो जित निकालेको छ। मंगलबार सम्पन्न खेलमा लखनउ सुपर जायन्ट्सलाई ८ विकेटले पराजित गर्दै पञ्जाब अंकतालिकामा दोस्रो स्थानमा उक्लिएको छ।
लखनउले प्रस्तुत गरेको १७२ रनको लक्ष्य पञ्जाबले १६.२ ओभरमै मात्र २ विकेटको क्षतिमा पूरा गर्यो। टोलीका लागि प्रभसिमरन सिंहले विस्फोटक अर्धशतक बनाउँदै २३ बलमै ५० रन पूरा गरे। उनले ९ चौका र ३ छक्कासहित ६९ रन बनाए। कप्तान श्रेयस अय्यरले ५२ रनमा अविजित रहेर टोलीलाई जितसम्म पुर्याए। यस्तै, नेहाल वधेराले पनि ४३ रनको महत्वपूर्ण पारी खेले। लखनउका लागि दिग्वेश राथीले मात्र २ विकेट लिन सफल भए।
यसअघि, टस हारेर पहिले ब्याटिङ गरेको लखनउले २० ओभरमा ७ विकेटको क्षतिमा १७१ रन बनाएको थियो। टोलीका सर्वाधिक स्कोरर निकोलस पूरनले ४४ रन बनाए भने आयुष बदोनीले ४१ रनको योगदान दिए। एइडेन मार्करम (२८) र अब्दुल समाद (२७) ले पनि केही महत्त्वपूर्ण रन जोडे।
पञ्जाबका बलरहरूमध्ये अर्शदीप सिंह सबैभन्दा प्रभावशाली देखिए। उनले ३ विकेट लिँदै लखनउलाई ठूलो स्कोर बनाउनबाट रोके। युजभेन्द्र चहल, ग्लेन म्याक्सवेल, मार्को यानसेन र लकी फर्गुसनले समान १-१ विकेट लिए।
यस जितसँगै पञ्जाबले २ खेलमा २ जित दर्ता गर्दै ४ अंकसहित अंकतालिकाको दोस्रो स्थानमा उक्लिएको छ। लखनउ भने ३ खेलमा २ अंक मात्र बटुल्दै छैटौं स्थानमा झरेको छ।
- Jigyasa media
