काठमाण्डौ ।इन्डियन प्रिमियर लिग (आईपीएल) २०२५ को पहिलो खेलमा रोयल च्यालेन्जर्स बैंगलोर (आरसीबी) ले कोलकाता नाइट राइडर्स (केकेआर) लाई पराजित गर्दै सिजनको उत्कृष्ट सुरुवात गरेको छ।
शनिबार कोलकाताको इडन गार्डेनमा भएको खेलमा आरसीबीले केकेआरलाई ७ विकेटको फराकिलो अन्तरले हराएको हो।
टस जितेर पहिला बलिङ रोजेको आरसीबीलाई केकेआरले १७५ रनको लक्ष्य दिएको थियो। कोलकाताका कप्तान अजिंक्य रहाणेले अर्धशतक प्रहार गर्दै ५६ रन जोडेका थिए भने सुनील नारिनले २६ बलमा ४४ रन बनाए।
लक्ष्य पछ्याउन मैदानमा उत्रिएको आरसीबीका लागि फिल साल्टले ३१ बलमा ५६ रन, विराट कोहलीले ३६ बलमा ५९ रन तथा कप्तान रजत पाटीदारले १६ बलमा आक्रामक ३४ रन बनाए। आरसीबीले १६.२ ओभरमै ३ विकेटको क्षतिमा लक्ष्य पूरा गर्यो।
बलिङतर्फ आरसीबीका क्रुणाल पाण्ड्याले ३ विकेट लिँदै उत्कृष्ट प्रदर्शन गरे। यो जितसँगै आरसीबीले सिजनमा विजयी सुरुवात
गरेको छ।
- Jigyasa media
