काठमाण्डौ ।
अकल्यान्डमा जारी पाकिस्तान र न्युजिल्यान्डबीचको टी-२० शृंखलाको तेस्रो खेलमा पाकिस्तानका हसन नवाजले विस्फोटक ब्याटिङ गर्दै ४४ बलमै शतक प्रहार गरी नयाँ इतिहास रचेका छन्।
नवाजको अविश्वसनीय प्रदर्शनकै कारण पाकिस्तानले यो खेल ९ विकेटले आफ्नो पक्षमा पार्न सफल भयो। यससँगै, उनी पाकिस्तानका लागि टी-२० अन्तर्राष्ट्रियमा सबैभन्दा छिटो शतक बनाउने खेलाडी बनेका छन्। यसअघि यो रेकर्ड पाकिस्तानका पूर्व कप्तान बाबर आजमको नाममा थियो।
यस खेलमा नवाजले ४५ बलमा १०५ रनको विस्फोटक इनिङ खेले, जसले पाकिस्तानलाई सहज जित दिलायो। पाँच खेलको शृंखलामा न्युजिल्यान्डले पहिला दुई खेल जितेको थियो, भने पाकिस्तानले तेस्रो खेल जित्दै शृंखला रोमाञ्चक बनाएको छ।
- Jigyasa media
