काठमाडौँ । नेपाल प्रिमियर लिग (एनपीएल) अन्तर्गत आज दुई रोमाञ्चक खेल हुँदैछन्। पहिलो खेल बिहान ९ बजे कर्णाली याक्स र चितवन राइनोजबीच हुनेछ, भने दोस्रो खेल दिउँसो १:१५ बजे लुम्बिनी लायन्स र पोखरा एभेन्जर्सबीच हुनेछ।

चितवनको अजेय यात्रा जारी, कर्णालीको पहिलो जितको खोजी

चितवन राइनोजले यसअघि खेलेका दुवै खेल जित्दै शृंखलामा उत्कृष्ट प्रदर्शन गरिरहेको छ। यता, कर्णाली याक्स आफ्नो पहिलो जितको खोजीमा छ। यस कारण आजको खेल कर्णालीका लागि दबाबपूर्ण हुने देखिन्छ।

लुम्बिनी र पोखराको दोस्रो भिडन्त

लुम्बिनी लायन्सले आफ्नो पहिलो खेलमा विराटनगरसँग हार बेहोरेको थियो। यस कारण लुम्बिनी आज जित निकाल्दै शृंखलामा सुधार गर्न चाहन्छ। पोखरा एभेन्जर्स पनि पहिलो जितको प्रतीक्षामा रहेको छ।

आजका खेलहरूले टोलीहरूको स्थिति स्पष्ट बनाउने भएकाले दुवै भिडन्त दर्शनीय हुने अपेक्षा गरिएको छ। क्रिकेटप्रेमीहरूको ध्यान यसैमा केन्द्रित हुनेछ।

• Jigyasanepal