२५ असोज, काठमाडौं। श्रीलंकाको कोलम्बोमा जारी काभा यू-२० पुरुष भलिबल प्रतियोगितामा नेपालले तुर्कमिनिस्तानलाई ३-० को सोझो सेटमा पराजित गर्दै फाइनलमा स्थान पक्का गरेको छ।
शुक्रबार सम्पन्न खेलमा नेपालले तुर्कमिनिस्तानलाई २५-१४, २५-२१, २५-२० को सहज जित निकाल्यो। पाँचमध्ये तीन खेल जित्दै नेपालले १० अंकका साथ शीर्ष दुई टोलीमा परेर फाइनलमा स्थान बनाएको मुख्य प्रशिक्षक रमेश केसीले जानकारी दिए।
यसअघि नेपालले श्रीलंका र माल्दिभ्सलाई समान ३-० को सेटले पराजित गरेको थियो भने उज्वेकिस्तानसँग ३-१ र किर्गिस्तानसँग ३-२ को संघर्षपूर्ण हार बेहोरेको थियो ।
- Jigyasa media
