काठमाडौँ । साफ यू-२० च्याम्पियनसिपअन्तर्गत सेमिफाइनलमा नेपालले भुटानसँग प्रतिस्पर्धा गर्ने भएको छ। सातदोबाटोस्थित एन्फा कम्प्लेक्समा भएको समूह 'बी' को अन्तिम खेलमा भारतले माल्दिभ्सलाई १-० ले पराजित गरेपछि नेपालले सेमिफाइनलमा भुटानसँग खेल्ने टुंगो लागेको हो।
नेपाल र भुटानबीचको सेमिफाइनल खेल आइतबार हुने छ। समूह 'बी' मा भारत विजेता बनेको छ भने माल्दिभ्स अंकविहीन हुँदै प्रतियोगिताबाट बाहिरिएको छ। भुटान तीन अंकका साथ सेमिफाइनलमा पुगेको हो।
साबिक विजेता भारतले सेमिफाइनलमा साबिक उपविजेता बंगलादेशसँग प्रतिस्पर्धा गर्नेछ। फाइनल खेल आगामी बुधबार एन्फाले आयोजना गर्नेछ।
- Jigyasa media
