धनगढी, कात्तिक १३ – बझाङको साइपाल गाउँपालिका-२ मा अरिङ्गालको टोकाइबाट ७ वर्षीय बालक असन धामीको ज्यान गएको छ। असनलाई आइतबार घरनजिकैको खेतबारीमा खेल्ने क्रममा अरिङ्गालले टोकेको थियो। गम्भीर घाइते उनलाई जिल्ला अस्पताल बझाङमा उपचारका लागि पुर्याइएको थियो तर, सोमबार बिहान उपचारकै क्रममा उनको मृत्यु भएको जिल्ला प्रहरी कार्यालयले जनाएको छ।
यस घटनामा अर्का ५ वर्षीय शितल धामी पनि अरिङ्गालको टोकाइबाट घाइते भएका थिए। उनलाई स्थानीय स्वास्थ्य चौकीमा उपचारपछि घर फर्काइएको छ।
प्रहरीले यस्ता घटनाबाट सुरक्षित रहन र अरिङ्गालको सक्रिय स्थानबाट टाढा रहन स्थानीयलाई सचेत गराएको छ।
- Jigyasa media
