कैलाली ।
कैलालीको धनगढी उपमहानगरपालिका-९ स्थित सालघारी सामुदायिक जंगलमा दुई पुरुषको शव फेला परेको छ।
मृत्यु हुनेमा धनगढी उपमहानगरपालिका-१० निवासी अन्दाजी ३० वर्षीय देवल चौधरी र ३२ वर्षीय कैदा राना रहेको जिल्ला प्रहरी कार्यालय कैलालीले जनाएको छ।
प्रहरीका अनुसार चौधरीको शव साइकलमा सामान बाँध्ने ट्युबको डोरी प्रयोग गरी रुखमा झुण्डिएको अवस्थामा फेला परेको थियो, भने करिब १५ मिटर पर रानाको शव भुइँमा भेटिएको थियो।
प्रहरी टोलीले घटनास्थलको मुचुल्का तयार गरी शव उठाइसकेको छ। पोस्टमार्टमका लागि शव अस्पताल पठाउने तयारी भइरहेको जिल्ला प्रहरी कार्यालय कैलालीका प्रवक्ता डीएसपी कविन्द्र सिंह बोहोराले जानकारी दिए।
- Jigyasa media
