काठमाण्डौ ।
निर्वाचन आयोगले गैरआवासीय नेपाली नागरिकता लिने व्यक्तिहरूले आफ्नो पुरानो नेपाली नागरिकता त्याग गरेको विवरण माग गरेको छ। स्थानीय तहको उपनिर्वाचनका लागि मतदाता नामावली अद्यावधिक गर्न आयोगले गृह मन्त्रालयमार्फत सम्बन्धित जिल्ला प्रशासन कार्यालयलाई यो विवरण उपलब्ध गराउन भनेको हो।
गैरआवासीय नेपाली नागरिकता लिन चाहनेले पहिले लिएको नेपाली नागरिकता त्याग गर्नु पर्ने कानुनी व्यवस्था अनुसार, त्यस्तो विवरण ५ कात्तिकभित्र जिल्ला निर्वाचन कार्यालयमा पठाउन गृह मन्त्रालयलाई निर्देशन दिइएको छ। यस विवरणका आधारमा मतदाता नामावलीबाट त्यस्ता व्यक्तिहरूको नाम हटाइनेछ।
- Jigyasa media
