काठमाडौं – नेपाली बजारमा सुनको मूल्यमा उल्लेख्य गिरावट आएको छ। बिहीबार (माघ २२) सुनको मूल्य एकै दिन प्रतितोला ९ हजार ५०० रुपैयाँले घटेको छ।

नेपाल सुनचाँदी व्यवसायी महासंघका अनुसार बिहीबार सुनको मूल्य घटेर प्रतितोला दुई लाख ९५ हजार २०० रुपैयाँ कायम भएको हो।

यसअघिल्लो दिन अर्थात् बुधबार सुनको मूल्य अघिल्लो दिनको तुलनामा १४ हजार ४०० रुपैयाँले बढ्दै प्रतितोला तीन लाख चार हजार ७०० रुपैयाँमा कारोबार भएको थियो। तर त्यसको भोलिपल्ट नै सुनको मूल्यमा ठूलो गिरावट आएको छ।

त्यसैगरी, चाँदीको मूल्यमा पनि गिरावट देखिएको छ। महासंघका अनुसार बिहीबार चाँदी प्रतितोला ६२० रुपैयाँले घटेर चार हजार ९८० रुपैयाँमा कारोबार भइरहेको छ।

अस्ति बुधबार चाँदीको मूल्य प्रतितोला पाँच हजार ६०० रुपैयाँ थियो।

अन्तर्राष्ट्रिय बजारको उतारचढाव, डलरको विनिमय दर र माग–आपूर्तिको अवस्थाले सुनचाँदीको मूल्यमा दैनिक प्रभाव पारिरहेको व्यवसायीहरूको भनाइ छ।

• Jigyasanepal