काठमाडौं, बैशाख २२ (मङ्गलबार) — नेपाली बजारमा आज सुनचाँदीको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघ का अनुसार सुनको भाउ आज तोलामा ३८ सय रुपैयाँले घटेको हो।

आज घटेसँगै सुनको मूल्य तोलाको २ लाख ९१ हजार रुपैयाँमा झरेको छ। हिजो सुनको भाउ २ लाख ९४ हजार ८०० रुपैयाँ थियो। पछिल्ला तीन दिनमा मात्रै सुनको मूल्य कुल ५१ सय रुपैयाँले घटिसकेको छ—आइतबार १ हजार र सोमबार ३ सय रुपैयाँले घटेपछि मंगलबार ठूलो गिरावट देखिएको हो।

चाँदीको मूल्य पनि आज घटेको छ। चाँदी तोलामा १५० रुपैयाँले घटेर ४ हजार ८८० रुपैयाँमा झरेको छ, जुन हिजो ५ हजार ३० रुपैयाँ थियो।

यसअघि माघ १५ गते सुनको मूल्य एकैदिन २० हजार ५०० रुपैयाँले बढेर तोलाको ३ लाख ३९ हजार ३०० रुपैयाँ पुगेको थियो, जुन हालसम्मकै उच्च रेकर्ड हो। त्यस्तै, सोही अवधिमा चाँदी पनि माघ १५ गते ७ हजार ५०५ रुपैयाँसम्म पुगेको थियो, जुन यसको अहिलेसम्मकै उच्च मूल्य हो।

यद्यपि, माघ १८ गते भने चाँदीको मूल्य एकैदिन १ हजार ५६५ रुपैयाँले घटेको थियो, जुन हालसम्मकै सबैभन्दा ठूलो गिरावट मानिन्छ।

पछिल्ला दिनहरूमा देखिएको मूल्यको उतारचढावले बजारमा अन्योल बढाएको छ भने लगानीकर्ताहरूलाई सतर्क रहनुपर्ने संकेत पनि दिएको छ।

• Jigyasanepal