सुर्खेत/सल्यान, वैशाख ६ —

सल्यानमा विवाह जन्ती बोकेको जिप दुर्घटनामा पर्दा चार जनाको ज्यान गएको छ भने १४ जना घाइते भएका छन्। शनिबार साँझ भएको यो दुर्घटनाले फेरि एकपटक ग्रामीण सडक सुरक्षामाथि गम्भीर प्रश्न उठाएको छ।

दुर्घटना बनगाड कुपिण्डे नगरपालिका–१२ धाइरे मा भएको हो। थाराबाट लक्ष्मीपुरतर्फ जाँदै गरेको लु.प्र. ००१ ज ०२७१ नम्बरको जिप अनियन्त्रित भई करिब ५० मिटर तल खस्दा दुर्घटना भएको प्रहरीले जनाएको छ।

⚠️ घटनास्थलमै ३, उपचारका क्रममा १ जनाको मृत्यु

जिल्ला प्रहरी कार्यालय सल्यान का अनुसार दुर्घटनामा:

टोपबहादुर थापा (५२)

ठगे घर्ती (५२)

कर्णबहादुर पुन (२९)

को घटनास्थलमै मृत्यु भएको छ।

गम्भीर घाइते ३० वर्षीय मनबहादुर थापाको मेहलकुना अस्पताल मा उपचारका क्रममा ज्यान गएको हो।

🚑 १४ घाइते, ५ को अवस्था गम्भीर

दुर्घटनामा घाइते भएका १४ जनामध्ये ५ जनाको अवस्था गम्भीर रहेको प्रहरीले जनाएको छ। गम्भीर घाइतेहरूमा:

अम्मर सिंह कुँवर, डम्मर घर्ती, जनक थापा, भुपेन्द्र कुँवर, भुलबहादुर थापा, जुगसिंह पुन र चालक कुलबहादुर राना रहेका छन्।

अन्य घाइतेहरू (अम्मर पुन, नरसिङ थापा, प्रेमबहादुर घर्ती, नरबहादुर थापा, कर्णबहादुर थापा, लालबहादुर घर्ती र १५ वर्षीय तिलक थापा) को अवस्था मध्यम रहेको छ।

🛣️ अनियन्त्रित जिप भीरमा खस्यो

जिप बनगाड कुपिण्डे–८ निवासी ३८ वर्षीय कुलबहादुर रानाले चलाएका थिए। दुर्घटनापछि स्थानीय र सुरक्षाकर्मीले तत्काल उद्धार गरी घाइतेलाई अस्पताल पुर्‍याएका थिए।

• Jigyasanepal