काठमाडौं, फागुन १० – प्रथम महिला राधिका शाक्यको आत्मकथा ‘करुणा’ सार्वजनिक गरिएको छ।
आज आयोजित कार्यक्रममा प्रधानमन्त्री केपी शर्मा ओलीको प्रमुख आतिथ्यमा पुस्तक लोकार्पण गरिएको हो। कार्यक्रममा नेपाल कम्युनिष्ट पार्टी (एमाले)का उपमहासचिव प्रदीप ज्ञवाली, साहित्यकार अमर न्यौपाने र गायिका आनी छोइङ डोल्मा उपस्थित थिए।
प्रधानमन्त्री ओली र प्रथम महिला शाक्यको ३७औँ वैवाहिक वर्षगाँठको अवसरमा पुस्तक विमोचन गरिएको हो। शाक्यले आत्मकथामा आफ्नो जीवन अनुभव, भोगाइ तथा प्रधानमन्त्री ओलीको संघर्ष, सफलता र समाजसेवाका विभिन्न प्रसंग समेटिएको बताइन्।
पुस्तकमा शाक्यको बाल्यकाल, शिक्षा, पेशागत यात्रा र परिवारसँग जोडिएका विभिन्न प्रसंग उल्लेख छन्। "न म साहित्यकार हुँ, न त लेखिका, तर मनमा लागेका कुरा लेख्ने गर्थें। ती संकलन आज पुस्तकका रूपमा आएका छन्," उनले भनिन्।
- Jigyasa media
