काठमाडौं । नेपाली साहित्यमा पाँच दशकभन्दा बढी योगदान पुर्याएका वरिष्ठ आख्यानकार गणेश रसिक र ध्रुव सापकोटालाई संयुक्त रूपमा ‘परशु–कल्पना स्रष्टा सम्मान’ प्रदान गरिने भएको छ। नेपाल स्रष्टा समाजले समाजका अध्यक्ष श्रीओम श्रेष्ठ ‘रोदन’को अध्यक्षतामा बसेको बैठकमार्फत उक्त निर्णय गरेको हो।

सम्मानस्वरूप रसिक र सापकोटालाई रु ५० हजार १ सय १ नगद राशिसहित सम्मानपत्र प्रदान गरिने अध्यक्ष रोदनद्वारा हस्ताक्षरित विज्ञप्तिमा उल्लेख छ। समाजका अनुसार आगामी चैत ५ गते काठमाडौंमा विशेष कार्यक्रम गरी उक्त सम्मान प्रदान गरिने छ।

यस सम्मानका लागि वरिष्ठ साहित्यकार पवन आलोकको संयोजकत्वमा सिफारिस समिति गठन गरिएको थियो। समितिको सिफारिसलाई समाजको केन्द्रीय कार्यसमितिले अनुमोदन गरेको अध्यक्ष रोदनले जानकारी दिए।

रसिक र सापकोटाले नेपाली आख्यान क्षेत्रमा आफ्नो विशिष्ट योगदान पुर्याउँदै साहित्यिक जगतमा महत्वपूर्ण छाप छोडेका छन्। उनीहरूको योगदानको कदर गर्दै प्रदान गरिन लागेको यस सम्मानलाई नेपाली साहित्यप्रेमीहरूले सकारात्मक रूपमा लिएको छन्।

• Jigyasa media