बैतडी— बैतडीको दोगडाकेदार गाउँपालिका–८ कालागाउँ चौसिलामा गोली लागी एक युवकको मृत्यु भएको छ।
शनिबार राति करिब ८ बजे लेनदेन विवादका क्रममा कर्णबहादुर विष्ट (४०) ले आफ्नै भाइ सुरेन्द्र विष्ट (२२) माथि गोली प्रहार गरेका थिए। गोली लागी गम्भीर घाइते भएका सुरेन्द्रलाई उपचारका लागि अस्पताल लैजाने क्रममा बाटोमै ज्यान गएको जिल्ला प्रहरी कार्यालय बैतडीले जनाएको छ।
घटनापछि कर्णबहादुर फरार भएका छन्। प्रहरीले उनको खोजीकार्य जारी राखेको जनाएको छ। घटनाको अनुसन्धानका लागि जिल्ला प्रहरी कार्यालयका प्रहरी निरीक्षक बलदेव बडू, इलाका प्रहरी कार्यालय पाटनका प्रहरी निरीक्षक राजेन्द्र साउद र खोचलेक प्रहरी चौकीका प्रहरी नायव निरीक्षक गणेश कडायत सहितको टोली परिचालित भएको छ।
- Jigyasa media
