अर्घाखाँची । अर्घाखाँचीको शितगंगा नगरपालिका–२, भुवनपाटामा बस दुर्घटना हुँदा चार जनाको मृत्यु भएको छ भने २७ जना घाइते भएका छन्। घाइतेमध्ये पाँच जनाको अवस्था गम्भीर रहेको इलाका प्रहरी कार्यालय ठाडाले जनाएको छ।
लु २ ख ३०३ नम्बरको बस, जो नवलपरासीको बर्दघाटबाट अर्घाखाँची गएको थियो, फर्किने क्रममा दुर्घटनामा परेको हो। दुर्घटनामा परेर तीन महिला र एक पुरुषको ज्यान गएको छ, तर मृतकहरूको पहिचान खुल्न बाँकी छ।
घटनापछि स्थानीय र सुरक्षाकर्मीले उद्धार कार्य गरी घाइतेहरूलाई लुम्बिनी प्रादेशिक अस्पताल, बुटवल पठाइएको वडाध्यक्ष राम बहादुर गोर्खा क्षेत्रीले जानकारी दिएका छन्। दुर्घटनाको विस्तृत विवरण आउन बाँकी छ।
- Jigyasa media
